Ang default na schedule ng pag-proseso ng PayMongo ng inyong payouts ay tuwing Martes ng 5 PM para sa mga transaksyon na cleared para sa payout. Ibig sabihin, kung kayo ay may inaasahan na payout kada linggo, ito ay papasok sa inyong account tuwing Martes pagkalipas ng 5 PM:
Makakatanggap kayo ng email mula sa [email protected] na naglalaman ng halaga ng payout, beneficiary bank, at beneficiary bank account name.
Maaaring tignan ang payouts sa inyong PayMongo Dashboard. Pumunta lamang sa Payouts Tab na may in transit status.
Kapag natanggap na ng aming banking partner ang abiso para i-deposito ang payouts ng Miyerkules ng umaga, ang status ng inyong payout sa inyong PayMongo dashboard ay magiging in transit. Hangga’t maaari, ang nai-deposit na payout ay makikita na agad sa inyong bank account sa loob ng parehong araw.
Gayunpaman, dahil sa mga proseso tulad ng interbank transfer at clearing, maaaring umabot ng dagdag na 1 - 2 banking days bago makita ang inyong payout sa inyong bank account, depende sa bilis ng pagproseso ng inyong bangko.
Kapag nakatanggap na kami ng kumpirmasyon mula sa aming banking partner sa loob ng 2 - 3 banking days pagkatapos ng Miyerkules, magbabago ang mga status ng payout sa inyong PayMongo Dashboard:
Deposited - Nakumpirma na ng aming banking partner na tinanggap na ng beneficiary bank ang deposito.
Returned - Binalik ng aming banking partner ang payout. Maaaring makipagugnayan sa amin tungkol dito sa pamamagitan ng live chat o mag-email sa [email protected].
🌱 Mahalagang Paalala:
Posible na magreflect na ang iyong payout sa bank account mo bago pa magbago ang status nito sa PayMongo dashboard. Mas mabuti na idouble-check ang iyong bank account kung may payout na inaasahan.
Walang karagdagang singil para matanggap ang inyong payout. Gayundin, hindi na rin kailangang i-request ang inyong payout dahil automatic itong pinoproseso. 🎉
*Mahalagang paalala: Kung ang inyong payout ay natapat na ilalabas sa holiday, ito ay ipo-proseso sa susunod na business day. (Halimbawa: Kung ang Martes ay holiday, ang mga payout ay ipo-proseso sa Miyerkules)